«Ақмола облысының аумағында карантиндік шектеу шараларын күшейту туралы» өңірдің бас мемлекеттік санитарлық дәрігерінің 2021 жылғы 8 сәуірдегі №14 қаулысына өзгеріс енгізілді, деп хабарлайды Egemen.kz.
Қаулыға сәйкес, қоғамдық тамақтандыру объектілерінің қызметіне үстелдер арасындағы 2 метр қашықтықты сақтау, келушілер арасындағы 1 метрден кем емес қашықтықты сақтау шарттарымен рұқсат беріліп отыр.
Алайда, көпшілік жиналатын салтанатты, отбасылық, естелік, ұжымдық және басқа да іс-шараларды өткізуге тыйым салынған.
«Дәмхана, мейрамхана типі бойынша, дүкендерде орналасқан барлардың (жайлардағы) толтырылуы 50 пайызға дейін болғанда, сондай-ақ, отыратын орын саны 30-дан аспағанда жұмыс режимі сағат 09:00- 20:00-ге дейін рұқсат етіледі. Одан кейін сағат таңғы 09:00-ге дейін өнім тек өзімен алып кету шартымен сатылады. Жазғы алаңдардың толтырылуы да 50 пайызға дейін, бірақ 50 орыннан асырмай, сағат 09:00- 20:00-ге дейінгі жұмыс режимі сақталуы керек. Ал асхана типі бойынша нысандардың жұмыс режимі сағат 09:00- 24:00 аралығында», делінген қаулыда.
Қаулы қол қойылған күннен бастап күшіне енеді.