Ауыл тұрғындары үшін цифрлы қызметтер әлеміне енудің тағы бір құралы пайда болды. Цифрлық даму, инновациялар және аэроғарыш өнеркәсібі министрлігі «Қазақтелеком» АҚ-пен бірге мемлекет-жекеменшік әріптестігі шеңберінде ауылды елді мекендерде eQoldau жалпыға қолжетімді пункттерінің желісін құрды. Оның көмегімен тұрғындар элек-тронды сервистердің кең спектрін ала алады. Ақмола облысы Андреевка ауылының әкімдігінде ашық қолжетімділіктің бірінші пункті орнатылды. Цифрлық даму, инновациялар және аэроғарыш өнеркәсібі вице-министрі Асхат Оразбек пункт қызметімен танысып та үлгерді.
Айта кетейік, өзіне өзі қызмет көрсету терминалдары бүкіл ел бойынша 553 ауылдық әкімдікте орнатылады. Осы пункттер арқылы тұрғындар мемлекеттік қызметтерді жеңіл әрі тез алады, маркетплейстерде техника мен түрлі тауарларды, сондай-ақ темір жол және авиабилеттерді сатып алады, коммуналдық қызметтер үшін онлайн-төлемдер, аударымдар жасайды, дәрігердің қабылдауына жазылады және телемедицина сервистеріне қол жеткізеді, пошта қызметтеріне және курьерлік жеткізілімдерге тапсырыс беруіне де мүмкіндік бар. Сонымен қатар eQoldau Wi-Fi сигналын бере алады, оған қосылу арқылы ауыл тұрғындары интернетті өздерінің гаджеттерінде қолдана алады.
«ҚҚО-ны қала мен ауыл арасындағы цифрлы теңсіздікті жоюдың тағы бір қадамы деп санауға болады. Осылайша, біз әдеттегідей ауылды қалаға емес, қаланы ауылға жақындатамыз. Ауыл халқы қалада алатын барлық қызмет түрін ала алады. Осы жерден аудандық халыққа қызмет көрсету орталықтарына барудың қажеті жоқ. Өткен жылы осындай ауылдық пункттер еліміз бойынша 1 250 талшықты-оптикалық байланыс желісі орнатылды. Андреевка ауылы біз осындай құрылғыны орнатқан алғашқы ауыл болады. Менің ойымша, барлық ауылдық елді мекенге осы сервиспен орнатамыз», деді Цифрлық даму, инновациялар және аэроғарыш өнеркәсібі вице-министрі Асхат Оразбек.
Сондай-ақ eQoldau ашық қолжетімділік пункттері арқылы ауыл тұрғындары электронды цифрлы қолтаңбаларын алды. Яғни енді «Азаматтарға арналған үкімет» мемлекеттік корпорациясы Egov.kz порталын, Enpf.kz бірыңғай зейнетақы қорының сайтының барлық мүмкіндігін пайдалана алады. Жалпы, жаңа бөлімдер мен қызметтерді қосу арқылы серіктестік экожүйесін дамыту жоспарлануда.
«Бүгінгі таңда self-service нарығында бар шешімдер көбінесе монофункционалды саналады және белгілі бір ұқсас міндеттерді орындауға бағытталған. Біз ұсынатын өзіне өзі қызмет көрсету аймақтары – eQoldau ауылдық елді мекендерге цифрландырудың кіру нүктелері деп атауға болады, бұл ауыл тұрғынына бір жерде бірден бірнеше мәселені шешуге, түрлі қызметтер мен сервистерді алуға мүмкіндік беретін кешенді сервис. Яғни халық үшін eQoldau терминалы – цифрлы қызметтер әлеміне апаратын өзіндік сара жол секілді», деді «Қазақтелеком» АҚ стратегиялық басқару жөніндегі бас директоры Батыр Маханбетәжиев.
Шынында да, ауылдарға цифрландырудың кіру нүктесі қағидаты бойынша eQoldau ашық қол жеткізу пункттерінің желісін құру ауылдық елді мекендерге талшықты-оптикалық байланыс желілерін орнату жөніндегі ірі жобаны іске асырғаннан кейін мүмкін болды. Бұдан басқа, Андреевка ауылында Цифрлық даму, инновациялар және аэроғарыш өнеркәсібі министрлігі мен «Қазақтелеком» арасында ауыл әкімдіктерін қоғамдық қол жеткізу пункттерімен жабдықтау бойынша ынтымақтастық туралы Меморандумға қол қойылды.