Ресей билігі 22 маусымнан бастап Түркиямен рейстерді қалпына келтіруге шешім қабылдады. Бұл туралы Ресей Федерациясы Премьер-Министрінің орынбасары Татьяна Голикова мәлімдеді, деп жазады Egemen.kz.
Түркиядан басқа, Италия, Оңтүстік Кипр, Солтүстік Македония, Бельгия, Болгария, Иордания және Ирландиямен рейстер қалпына келтірілді.
Түркиядағы COVID-19 эпидемиологиялық жағдайының нашарлауына байланысты Ресейдің коронавирустық жедел штабы бұл елмен әуе қатынасын 15 сәуір мен 1 маусым аралығында тоқтату туралы шешім қабылдаған еді.
Кейінірек, шектеулер 21 маусымға дейін ұзартылатыны туралы жарияланды.
Ресей туроператорлар қауымдастығының (ATOR) вице-президенті Дмитрий Гориннің сөзінше, ресейлік туристердің 60 пайыздан астамы шектеулерге қарамастан Түркияға сапарларын тоқтатпаған.