«Қызыл аймақтағы» Атырау облысында коронавирус инфекциясын жұқтыру дерегі қайта көбейе бастады. Облыстық денсаулық сақтау басқармасы баспасөз қызметінің ақпаратына сүйенсек, өткен тәулікте 98 адам қауіпті вирусты жұқтырған, деп хабарлайды Egemen.kz.
«Оның ішінде 69 науқас Атырау қаласында тіркеліп отыр. Сондай-ақ, Теңіз кенішінде – 7, Жылыой ауданында – 10, Исатайда – 3, Индерде – 2, Махамбетте – 2, Қызылқоғада – 2, Мақат ауданында 2 адамнан қауіпті вирустың белгісі анықталды» деп хабарлады басқарманың баспасөз қызметі.
Өңірдегі инфекциялық стационарларда 397 науқас ем қабылдап жатыр. Оның ішінде модульдік ауруханада – 161, №2 облыстық ауруханада – 110, аудандардағы стационарларда – 77, Теңіз кен орнындағы инфекциялық стационарда 49 пациент емделуді жалғастыруда. Ал, үй жағдайында емделуге 385 адам оқшауланып отыр.