Молдовада өткен парламент сайлауының нәтижесінде заң шығару органына үш партия өтті, деп жазады Egemen.kz.
Молдова орталық сайлау комиссиясының хабарлауынша, Президент Майя Сандудың «Әрекет және ынтымақ» партиясы (PAS) сайлаушылардың 47% дауысын жинап, озық шыққан.
Олардың негізгі қарсыласы коммунистер мен социалистердің партиясы (BeCS) 31% дауыс жинаған. Аталған партияның жетекшілері – Молдованың бұрынғы басшылары Владимир Воронин мен Игорь Додон.
Ал кәсіпкер Илан Шор басқаратын «Шор» ұлттық-консервативтік партиясы 6,65% дауыс алған.
ОСК-ның мәліметінше, кезектен тыс парламент сайлауында өрескел заңбұзушылық байқалмаған. Сайлауға барлығы 20 партия түскен. Дауыс беруге құқығы бар азаматтардың 48,1%-ы қатысқан.