Өскеменде бір жасар бала 5-қабаттан құлап кетті

Шығыс Қазақстан облысының Төтенше жағдайлар департаментінің баспасөз қызметі қайғылы оқиға Ә. Молдағұлова көшесінде болғанын хабарлады. Ересектердің қарауынсыз қалған 2020 жылы туған сәби терезенің жақтауына шығып, терезеден құлап кеткен. Пәтер бес қабатты тұрғын үйдің 5-қабатында орналасқан. Қыз ауыр халде ауруханаға жатқызылды. 

Төтенше жағдайлар басқармасының қызметкерлері ата-аналармен профилактикалық жұмыстар жүргізуде. Сондай-ақ балалардың білім беру орталықтарының ата-аналар топтары және аумақтық басқару орталықтары арқылы балалардың қауіпсіздігі бойынша жадынамалар мен роликтер жіберіп отырады.