Нигерияның оңтүстік-батысындағы жол апатынан 14 адам қаза тапты, тағы төртеуі жарақат алды, деп жазады Egemen.kz Синьхуа агенттігіне сілтеме жасап.
Нигерия федералды жол қауіпсіздігі корпусының мәліметі бойынша, тас жолда жүк көлігі автобуспен соқтығысқан.
Көлік апаты Нигерияның оңтүстік-батысындағы Осун штатында болған.
Жол басқармасы жүргізген тергеу нәтижелері бойынша қайғылы оқиға көлік құралдары жүргізушілерінің жол қозғалысы қауіпсіздігі ережелерін бұзуынан болған.
Бұдан бөлек, Нигерияның батысындағы Квара штатында автобустың трактормен соқтығысуы салдарынан 11 адам қайтыс болған.