Бүгін түнде елорда әуежайында «Витебскідегі Славян базары» халықаралық байқауының жеңімпазы Рухия Байдүкенді жанкүйерлері күтіп алды, деп хабарлайды Egemen.kz.
«Қазақ халқына алғысымды айтамын. Ең бастысы, халқыңның махаббатын сезіну, еліңнің сені мойындауы емес пе? Жеңісімді халқыммен бірге тойлағым келеді. Бұл бала кезімнен бергі арманым еді. Бүгін алға қойған мақсатыма жеттім», деді Рухия Байдүкен елорда әуежайында.
Айта кетейік, қазақстандық әнші Рухия Байдүкен Витебскіде өткен «Славян базары» халықаралық өнер фестивалінің бас жүлдесін жеңіп алған болатын.