30 шілде күні Ақтау қаласындағы «Приморский-1» шағын ауданында жаңа суда құтқару станциясының салтанатты ашылу рәсімі өтті, деп хабарлайды Egemen.kz ҚР ТЖМ баспасөз қызметіне сілтеме жасап.
Каспий теңізінің ұзындығын ескере отырып, төтенше жағдайларға тұрақты әзірлікті және жедел ден қоюды қамтамасыз ету үшін суда құтқару станциясын салу қажеттілігі туындады. Станция республикада моноқалаларды әлеуметтік-экономикалық дамыту бағдарламасы шеңберінің аясында өткен жылы салына бастады. Суда құтқару станциясының жаңа ғимараты Каспий теңізінің жағалауында орналасқан.
Жедел-құтқару жасағы құтқару катерлерімен, сүңгуірлік және суда құтқару жабдықтары мен керек-жарақтарының үлгілерімен жабдықталған. Ашылу салтанатының қонақтарына құтқару техникасы мен авариялық-құтқару жабдықтарының көрмесі ұсынылды.