Атыраудағы жансақтау бөлімінде қауіпті вирусқа шалдыққан 95 науқас оқшауланған, деп хабарлайды Egemen.kz.
Облыстық денсаулық сақтау басқармасы баспасөз қызметінің ақпаратына қарағанда, инфекциялық стационарларда коронавирус инфекциясын жұқтырған 1 676 науқас емделіп жатыр.
«Қазір 3 012 төсек-орны бар стационарлардағы жүктеме 55,6%-ды құрайды. Ал, 114 төсек-орынға арналған жансақтау бөлімінде жағдайы ауыр 95 науқас емделіп жатыр. Оның ішінде 12 пациент өкпені жасанды желдету аппаратына қосылған. Бұл бөлімдегі жүктеме 83,3%-ға жетті», деп мәлім етті басқарманың баспасөз қызметі.