Атырау облысы бойынша экономикалық қылмысқа және сыбайлас жемқорлыққа қарсы күрес департаментінің баспасөз қызметі Төтенше жағдайлар министрлігінің батыс өңірлік аэромобильді жедел құтқару жасағы басшысының ұсталғаны туралы хабарлама таратты.
Атырау облысы бойынша экономикалық қылмысқа және сыбайлас жемқорлыққа қарсы күрес департаментінің баспасөз қызметі Төтенше жағдайлар министрлігінің батыс өңірлік аэромобильді жедел құтқару жасағы басшысының ұсталғаны туралы хабарлама таратты. Баспасөз хабарламасында айтылғандай, «ҚР ТЖМ батыс өңірлік аэромобильді жедел құтқару жасағы» ММ басшысы А.Ербозов 2013 жылғы 26 және 27 желтоқсанда қызметте қолдаушылық көрсету үшін өзінің екі қызметкерінің әрқайсысынан 30 000 теңгеден пара алды деген күдікпен биылғы 10 қаңтарда ұсталған.
Қос қызметкерінен қаржы дәметкен басшыға қатысты пара алу дерегі бойынша (ҚР ҚК-нің 311-бабының 1-бөлігі және 4-бөлігі «г» тармағымен) қылмыстық іс қозғалды.
Жолдасбек ШӨПЕҒҰЛ,
«Егемен Қазақстан».
Атырау облысы.