Қарағанды облысы мамандандырылған ауданаралық экономикалық сотының судьясы Е.Ғабдуллин алаяқтық және арандатушылық жасағаны үшін 9 жылға бас бостандығынан айырылды, деп хабарлайды Egemen.kz.
Бұл туралы Sputnik Қазақстан ақпараттық порталы мәлімдеді.
Сыбайлас жемқорлыққа қарсы іс-қимыл қызметінің мәлімдеуінше, үкімді 10 тамызда Қарағанды қаласы Қазыбек би аудандық соты шығарды.
Күдікті «Оливия» ұйымының заңгері Кантер-Скрипкинаны судьяларға 8 миллион теңге пара беруге арандатты деп айыпталды.
Іс материалдарына сәйкес, бұл үшін бірінші және апелляциялық сот инстанцияларының судьялары кәсіпорынның талап-арызын қанағаттандыруға тиіс болған.
«Оливия» ЖШС заңгері Кантер-Скрипкина пара бермек болғаны үшін үш жылға сотталды.
Сот үкімі заңды күшіне енген жоқ.