Жамбыл облысына өзара іс-қимыл нұсқаулығына сәйкес Шымкент қаласы Төтенше жағдайлар департаментінің қызметшілері жіберілді, деп хабарлайды Egemen.kz.
Құрамында 33 адам, 8 бірлік техника және 1 бірлік пилотсыз ұшу аппараты бар. Шымкент қаласынан құтқарушылар оқиға орнына сағат 04.05-те келген. Олар қазір Жамбыл облысы, Байзақ ауданындағы Сыдық Абланов атындағы мектептің жанында. Штаб құрып, көмектесуге кірісіп кетті. Штаб жарылыс орнынан 10 км қашықтықта орналасқан.