Нұр-Сұлтанда енді жексенбі күндері де қоғамдық көлік жүретін болады. Бұған дейін сенбі күндері автобустардың жұмысына рұқсат етілген болатын, деп жазады Egemen.kz.
Қоғамдық көлік енді аптаның барлық күні сағат 06.00-ден 23.00-ге дейін штаттық режимде жүретін болады.
«Қоғамдық көліктер күн сайын дезинфекциядан өтелі. Автобуста маска режимін сақтау міндетті екенін еске саламыз. Автобусқа маскасыз кіруге тыйым салынады. Жол жүру төлемі тек қолма-қол ақшасыз: көлік картасымен немесе QR-кодты сканерлеумен жүзеге асырылады», деп жазылған қала әкімінің ресми сайтында.