Тәжікстан Сыртқы істер министрлігі АҚШ елшісіне, Джо Байденнің мәлімдемесіне наразылық нотасын тапсырды, деп жазады Egemen.kz.
«14 қыркүйекте АҚШ-тың Төтенше және Өкілетті Елшісі Джон Марк Поммершайм мырза Сыртқы істер министрлігіне шақырылды. АҚШ елшісі Джо Байден мырзаның Пенсильвания штатындағы өрт сөндіру бекетіне барған кездегі мәлімдемелеріне байланысты наразылық нотасын алды. Ескертпе мұндай мәлімдемелер достық қарым-қатынас пен серіктестік рухына сәйкес келмейтінін көрсетеді», деп хабарлайды ведомствоның баспасөз қызметі.
Сонымен қатар Сыртқы істер министрлігі Тәжікстан АҚШ-пен өзара қолдау мен құрмет рухында тиімді қарым-қатынасты дамытуға мүдделі екенін білдірді.
Айта кетейік, 11 қыркүйекте Джо Байден Пенсильваниядағы өрт сөндіру бекетіне барды. Іс-шара барысында ол егер АҚШ өзінің жақтастарын Тәжікстаннан шығаруға шешім қабылдаса, Ауғанстандағыдай ұшақтың шассиіне жабысып, елден кетпек болатындардың көрінісі қайталануы мүмкін екенін айтты.
«Мұны басқаша қалай жасауға болатынын түсіндіру қиын. Мысалы, егер Тәжікстанда болсақ, С-130 ұшағын шығарып, бізбе бірге болғысы келетіндерге мүмкіндік беретінімізді айтсақ, шассиге жабысатындар да болар еді», деді Джо Байден.