Футболдан Қазақстан чемпионатының 22 тур ойындары өз мәресіне жетті. Бұл кезеңдегі бәсекелер де әдеттегідей өте шиеленісті өтті.
«Шахтер» өз алаңында «Қайратты» қабылдады. Бұл ойында көрермендер алғашқы голдың кіруін тым ұзақ күтті. Тек 76-минутта ғана Идрис Умаев есеп ашты. Бірақ қарағандылықтардың қуанышы ұзаққа созылмады. Матчтың аяқталуына бір минут қана қалғанда Рада Дугалич таразы басын теңселтіп кетті – 1:1.
«Ақтөбе» көш соңында келе жатқан Талдықорғанның «Жетісуының» қақпасына жауапсыз екі доп салды – 2:0. Бұл голдардың екеуі де бірінші таймда соғылды.
Петропавловскіде өткен «Қызылжар» мен «Тұран» арасындағы бәсекенің тағдырын қонақтардың 76-минутта соққан жалғыз добы шешті – 0:1.
«Астана» Нұр-Сұлтанда «Тараздың» тас-талқанын шығарды – 3:0. Бір кереметі, дубль авторы атанған Тигран Барсегян өз голдарын 1 және 7-минутта соқса, 21-минутта Марин Томасов мергендік танытты.
Осы турдағы өзге кездесулердің нәтижелері мынадай: «Ақжайық» – «Қайсар» 1:1, «Атырау» – «Тобыл» 0:1 және «Ордабасы» –«Каспий» 1:1.
Жарыс кестесінде «Астана» әлі де көш бастап келеді. Елордалық клуб 50 ұпайды енішілеп отыр. Екінші орындағы «Тобылдың» басты қарсыласынан бір ұпайы кем. Қоржынында 41 ұпайы бар «Қайрат» үшінші сатыға жайғасты.