Бұл туралы Энергетика министрі Мағзұм Мырзағалиев «KIOGE-2021» халықаралық мұнай және газ көрмесінде айтты, деп жазады Egemen.kz.
Министрдің айтуынша, Қазақстанда дизель отынын тұтыну көлемі бұрын-соңды болмаған рекордтық көрсеткішке жеткен. Биыл тамыз-қыркүйек айларында шамамен 520-540 мың тонна дизель отыны пайдаланылған.
«Дизель отыны және басқа да жанар-жағармай түрлерінің бағасы реттелмейді. Бағаны сұраныс пен ұсынысқа сүйене отырып нарық реттейді. Сондықтан да біздің министрліктің бағаны белгілеуге еш қатысы жоқ. Бүгінде мұнай бағасының өскені байқалады. Бір-екі күннің ішінде баррелі 78 доллардан 82 долларға дейін өсті. Әрине, мұнай бағасының өзгеруі жанар-жағармайдың бағасына әсер етеді», деді министр.