Ел президенті Луис Арсе Боливия Әуе-қорғаныс күштерінің ұшағы апатқа ұшырап, алты адамның мерт болғандығы жөнінде мәлімдеді, деп хабарлайды Egemen.kz 24.kz-ке сілтеме жасап.
«Алты адам мерт болған Пандодағы әуе апаты жаға ұстатарлық жағдай. Жауапты органдарға әуе апатының себебін анықтауды тапсырдық», деп жазды мемлекет басшысы Twitter-дегі парақшасында.
Сонымен қатар Луис Арсе қаза тапқандардың отбасына көңіл айтты.
ТАСС хабарлауынша, ұшақ бортында болған Боливия Денсаулық сақтау министрлігінің 4 қызметкері мен екі ұшқыш қаза тапқан.