Елордада футзалдан тоғыз отандық команданың қатысуымен Қазақстан кубогының ойындары өтуде, деп хабарлайды Egemen.kz.
Кубок қатысушылары екі кіші топқа бөлінген, онда командалар бір-бірімен ойнайды, ал екі үздік жасақ жартылай финалға шығады.
Қазақстанның қазіргі чемпионы және ел суперкубогының иегері алматылық «Қайрат» аталған жарыстың екінші турында үш доп айырмасымен Рудныйдың «Аятынан» ұтылып жатып, ақырында есеп теңестірді.
Дәурен Тұрсағұловтың хет-тригі арқасында «Қайрат» ойынды 4:4 есебімен тең аяқтады.