Бәрі – ел игілігі үшін

Өткен сейсенбіде Қазақстан Рес­публикасы Ұлттық банкі тең­генің бағамын өзгерту туралы ше­шімді бес түрлі факторға байла­нысты қабылдағанын мәлімдеді. Ең алдымен, көптеген дамушы елдерде, әсіресе, БРИКС елдерінде (Бразилия, Ресей, Үн­дістан, Қытай, Оңтүстік Аф­рика Республикасы) орын ал­ған жағдай 1 АҚШ долларына шақ­қандағы ұлттық валю­таның әлсі­ре­генін бай­қатуда. Екіншіден, Ресей рубліне қа­тысты айырбас бағамы салыстырмалы түрде анық емес. Үшіншіден, төлем балансының жай-күйі ескерілді. Ағымдағы опе­рация шоты оң мәнге ие әрі импорттың өсу тенденциясы сақ­тал­ғанымен де, ол өзіндік кері ық­па­лын тигізуде. Қазіргі кезде өт­кен қаржы жылымен салыстыр­ғанда төлем балансының шоты 4 есе қысқарған, яғни ұлттық валю­та­мыздың сыртқы бәсекеге қабі­леттілігі әлсіреген. Төртіншіден, экономика­да әртүрлі жағдайдың орын алуы байқалды. Нәтижесінде валюталық алып-сату артып, Ұлт­тық банк валюта нарығындағы опе­рацияларға араласуға мәжбүр болды. Бесіншіден, орта мерзімді перс­пективада инфляция деңгейін 3-4% аралығына әкелу көзделіп отыр. Осыған байланыс­ты жүр­гізілген жан-жақты талдау­лар­­дың нәтижесінде ұлттық валю­та­мыздың АҚШ долларына шақ­қандағы айырбас бағамын 185 теңге мөлшерінде белгілеу қажет­тігі нақтыланды. Бұл өзгерістің барлығы жаһан­дық макроэкономикалық фак­торларды ескере отырып, отан­дық өндірушілердің сыртқы на­рықтағы бәсекеге қабілеттілігін арттыру, ұлттық валютамыздың бәсекеге қабілеттілігін жақсарту шеңберінде жүргізіліп отыр. Бағам өзгерісінің тұтыну ба­ғасы индексінің өсуіне әсер етпей қоймайтыны айқын, бірақ бұл толыққанды инфляция емес әрі қысқа мерзімді келеңсіз пікірлердің туындауына әсер етіп отыр. Сабыр түбі – сары алтын дегендей, жалпы алғанда, валюта саясатына қатысты жүргізіліп отырған бұл шаралар ел экономикасының игілігі үшін жасалуда. А.МҰСТАФИНА, экономика ғылымдарының кандидаты. АЛМАТЫ.