Футболдан Германия кубогы жолындағы бәсекеде әлемнің даңқты командаларының бірі Мюнхеннің «Бавариясы» Мюнхенгладбахтың «Боруссиясынан» ойсырай жеңілді, деп хабарлайды Egemen.kz.
Мюнхенгладбахта өткен кездесуде алаң қожайындарының басымдығы айқын аңғарылып тұрды. Олар қарсылас команданы 5:0 есебімен ойсырата жеңіп, жанкүйерлерін қуантты. Мұндай ірі есеппен Германияның үздік клубы 43 жылдан кейін алғаш рет жеңіліп отыр. Мюнхендік ұжым 1978 жылы «Фортунадан» 1:7 есебімен жеңілген болатын.