Бокстан Белград қаласында өтіп жатқан әлем чемпионатында Қазақстан құрамасының боксшысы Серік Теміржанов жартылай финалдық жекпе-жекте жеңіске жетті, деп хабарлайды Egemen.kz.
57 кило салмақ дәрежесінде рингке көтерілген қазақ боксшысы Серік Теміржанов куба оғланы Освел Кабальеромен қолғап түйістірді. Тартысты өткен жекпе-жекте қазақ боксшысы барын салып бақты. Тіпті кубалықты бірінші раундта нокдаунға түсіріп үлгерді. Осылайша өзінің шын мықты екенін дәлелдеген Серік Теміржанов финалға шықты.