Бокстан әлем чемпионы Сәкен Бибосыновқа Түркістан қаласынан пәтер беріледі. Бұл туралы Түркістан облысы әкімінің баспасөз хатшысы Мира Мүслім мәлімдеді, деп жазады Egemen.kz.
«Әлем чемпионы Сәкен Бибосыновқа Түркістан қаласынан екі бөлмелі пәтер беріледі. Бұл туралы боксшымен кездесіп, оны жеңісімен құттықтаған облыс әкімі Өмірзақ Шөкеев тапсырма берді», деп жазды ол Facebook парақшасында.
Бұған дейін еліміздің бокс федерациясының президенті Кеңес Рақышев әлем біріншілігінің чемпиондары мен жүлдегерлеріне өз атынан қосымша сыйақы беретінін айтқан болатын. Федерация ақпаратына сүйенсек, бірінші орын үшін 70 мың АҚШ доллары көлемінде ақшалай сертификат табысталады.