Бокстан Ұлттық құраманың бұрынғы бас бапкері Тұрсынғали Еділов sports.kz сайтына берген сұхбатында әлем чемпионатында топ жарған боксшы Теміртас Жүсіпов жайлы ойымен бөлісті, деп хабарлайды Egemen.kz.
«Сербия астанасы Белград қаласында өткен әлем чемпионатында мені Теміртас Жүсіпов айрықша қуантты. Жігіт жарады. Оны қанша уақыт бойы Ұлттық құрамаға қоспады. Солардың барлығына өзін дәлелдеді. Оның жағдайында көп боксшылар мансабын аяқтап жататын. Ол болса жаттығуын жалғастырды. Финалда тіпті классикалық бокс үлгісін көретті», деді ол өз ойын түйіндеп.