Бүгін, 24 ақпан күні еліміздің басым бөлігінде антициклон әсерінен қатты аяз болады. Бұл туралы «Қазақстан» телеарнасы хабарлады.
Еліміздің шығыс және оңтүстік-шығыс бөлігінде атмосфералық ауаның ауысуына байланысты ауа райы құбылмалы болады. Сондай-ақ бірқатар өңірлерде қарлы бұрқасын болып, жел күшейеді. Тұман түсіп, көктайғақ болуы да мүмкін. Мәселен,Шығыс Қазақстан облысының кей аймақтарында түнде желдің жылдамдығы секундына 15-20 метрге жетіп, боран болуы ықтимал. Қызылорда, Маңғыстау, Атырау, Солтүстік және Оңтүстік Қазақстан облыстарында тұман түседі.
Қостанай облысында түнде және таңертең тұман түсіп, күндіз желдің жылдамдығы секундына 15-20 метрге дейін жетеді. Ал Алматы облысында тұман түсіп, көктайғақ болатыны айтылды. Осы аймақта желдің екпіні секундына 15-20 метрге дейін жетеді.
Бүгін түнде Қарағанды, Қызылорда, Ақтөбе, Маңғыстау мен Оңтүстік Қазақстан облыстарының кей жерлерінде қатты аяз болуы ықтимал.
Әмірхан Алмағанбетов.
Дереккөз: «Қазақстан» телеарнасы.
Фото: Ria.ru.