Өзбекстан мен Қазақстан қорғаныс министрліктері ынтымақтастық туралы келісімге қол қойды, деп хабарлайды Egemen.kz Өзбекстан қорғаныс министрлігіне сілтеме жасап.
Министрліктің хабарлауынша, Өзбекстан қорғаныс министрі Баходир Құрбанов Қазақстанның Қорғаныс министрі Мұрат Бектанов бастаған қазақстандық делегациямен кездескен.
Тараптар екіжақты, оның ішінде әскери-техникалық саладағы ынтымақтастықтың жай-күйі мен келешегін талқылады. Аймақтық қауіпсіздік мәселелері бойынша пікір алмасу болды.
Қазақстанда «Қалқан-2021» және Өзбекстанда «Хамқорлық-2021» бірлескен оқу-жаттығуларының ұйымдастырылуы жоғары бағаланды.