Сенаттың Халықаралық қатынастар, қорғаныс және қауіпсіздік комитетінің төрағасы Мұхтар Құл-Мұхаммед Куба Елшісі Эмилио Певида Пупомен кездесті, деп хабарлайды Egemen.kz Сенаттың баспасөз қызметіне сілтеме жасап.
Кездесу барысында Қазақстан мен Куба арасындағы өзара қарым-қатынас деңгейі: саяси өзара іс-қимыл, халықаралық аренадағы ынтымақтастық, ядролық қаруды таратпау және қарусыздану мәселелері бойынша елдеріміздің ұстанымдарының ұқсастығы туралы бірқатар мәселелер атап өтілді.
Мұхтар Құл-Мұхаммед екі жақты өзара іс-қимылдың қарқынды дамуы мен елдер арасындағы шарттық-құқықтық базаның кеңеюін атап өтті. Ол осыған байланысты екі ел азаматтарының қысқа мерзімді визасыз сапарлары туралы келісімді мемлекетішілік келісудің ресми Гавана рәсімінің аяқталуына үміт артатынын жеткізді. Сенатордың пікірінше, бұл құжат сауда-экономикалық және инвестициялық ынтымақтастықты күшейтуге серпін берер еді.