Америкалық әнші Брэндон Ховард Майкл Джексонның ұлы болуы мүмкін деген мәлімет бар. Бұл туралы Utro.ru хабарлады.
ДНК анализі бойынша 31 жастағы әнші Б. Ховардтың поп-музыка короліне 99,9 пайызға сәйкес келетіні анықталды. Беверли-Хиллз қаласының дәрігері Джозеф Гудман М.Джексонның протез тісіне сараптама жүргізген еді. Сырт келбеті М.Джексонға ұқсайтын Б.Ховардтың өзі сараптама қорытындысын жариялауға ықылас танытпай отыр. Тіпті ол М.Джексонның дүние-мүлкін иеленуге ниетті еместігін ашық айтты. Сөз орайында айта кетейік, 1982 жылы туған Б.Ховард әнші Мики Ховардтың ұлы.
М.Джексон 2009 жылғы 25 маусымда Лос-Анджелестегі үйінде қайтыс болды. Оның артында Пэрис-Майкл Кэтрин Джексон атты қызы мен Принс Майкл Джексон және Принс Майкл Джексон II есімді ұлдары қалды.
Айдар Өрісбаев.
Дереккөз: Utro.ru.
Фото: Mamainfo.com.ua.