Женевада Қазақстан Республикасы Сыртқы істер министрінің орынбасары Ержан Ашықбаев БҰҰ Адам құқығы жөніндегі кеңестің 25-ші сессиясының ашылуына қатысты. Халықаралық ұйымдар мен БҰҰ-ның мамандандырылған мекемелері басшыларының қатысуымен өткен шараны БҰҰ Бас хатшысы Пан Ги Мун ашты.
БҰҰ Адам құқығы жөніндегі кеңес сессиясына қатысушылар алдында сөз сөйлеген Е.Ашықбаев Қазақстанның 2013-2015 жылдарға Кеңес мүшелігі аясында оның алдына қойған басымдықтары мен міндеттері туралы айтып өтті. Қазақстандық дипломат Қазақстан Республикасы адам құқығын қорғау жөніндегі органдардың халықаралық жүйесінің жаһандық архитектурасын нығайтуды қолдайтынына тоқталды. Қазіргі уақытта әлемдік өлшемде де, өңірлік өлшемде де оқиғалар мен құбылыстарды сынай талдаудың қажеттілігі туып отыр. Қазақстандық делегация басшысы БҰҰ Адам құқығы жөніндегі кеңес жұмысының оған мүше мемлекеттердің Кеңес қызметіне сенімін нығайту және тең құқылы үнқатысудың одан әрі даму саласындағы стратегиялық басымдықтарының маңыздылығын атап өтті. Е.Ашықбаев атап көрсеткендей, 2017-2018 жылдарға БҰҰ Қауіпсіздік Кеңесінің тұрақты емес мүшелігіне Қазақстан Республикасын ұсыну қазақстандық тараптың өзіне жүктелген халықаралық міндеттерді орындап келе жатқандығын көрсетеді.
Е.Ашықбаевтың БҰҰ Жоғарғы Комиссарының босқындар ісі жөніндегі орынбасары А.Алейнокоффпен, Женевадағы БҰҰ Басқарма офисінің гуманитарлық мәселелерді үйлестіру бойынша директоры Р.Халиковпен және Ұлыбританияның Мемлекеттік сыртқы істер министрі Х.Суайермен екіжақты кездесулері өтті.
«Егемен-ақпарат».