«Қазпошта» АҚ 2022 жылдың 10 қаңтарында пошта бөлімшелері интернет-байланысы жұмыс істеген сағаттарында зейнетақы мен жәрдемақы беруді штаттық режімде іске асыратынын мәлімдеді, деп хабарлайды Egemen.kz.
Тараз, Алматы 9-дан 15:00-ге дейін, Талдықорған 10:00-ден 15:00-ге дейін, ҚР бойынша қалған бөлімшелер зейнетақы мен жәрдемақыны штаттық режімде беретін болады. «Банкоматтарды қолма-қол ақшамен толтыру бойынша жұмыстар басталған. Осы орайда Қазпошта клиенттері 10.01.2022ж. бастап ақшаны бөлімшелерде, сондай-ақ банкоматтардан шеше алады. Сонымен қатар, «Қазпоштаның» «Оңтүстік» Ақпараттық-логистикалық орталығының Қазақстан бойынша магистралдық маршруттарды іске қосып жатқанына байланысты компания 10 қаңтардан бастап пошта жөнелтілімдерін қабылдау мен өңдеуді қайта бастайды», деп жазылған ресми хабарламада.