Кеше Ұлттық қауіпсіздік комитеті төрағасының орынбасары – Шекара қызметінің директоры, генерал-лейтенант Нұрлан Жоламанов Шекара әскерлері қолбасшылары кеңесі үйлестіру қызметінің төрағасы, генерал-полковник Александр Маниловпен кездесті.
Шекара басшысы осындай кездесулердің ТМД шеңберіндегі шекаралық ведомстволардың өзара қарым-қатынасына жоғары ықпал ететіндігін атап өтті және шекаралық ынтымақтастықтың барысы туралы үйлестіру кеңесінің өкілдеріне әңгімелеп берді.
– Қазіргі уақытта біз ҚР ҰҚК Шекара қызметін сапалылық параметрлері бойынша дамытуды жалғастырудамыз, – деп атап өтті генерал-лейтенант Нұрлан Жоламанов, – Мемлекет басшысы алға қойған тапсырмаларды жүзеге асырудамыз, әрине, әріптестердің көмегінсіз, алдыңғы қатарлы тәжірибелерді зерттемей оларды атқару мүмкін емес.
Тараптар алда келе жатқан Шекара әскерлері қолбасшылары кеңесінің үйлестіру қызметінің 71-мәжілісін (маусым айында Кишиневте өткізу жоспарлануда) және ТМД-ға қатысушы мемлекеттердің Орталық Азия аймағы шекара ведомстволарының басшыларының 4-аймақтық кеңесінің (маусымда Мәскеуде өткізу жоспарлануда) мәселелерін талқылады. ТМД-ға қатысушы мемлекеттердің Орталық Азия аймағы шекарасынан тыс жерде болып жатқан жағдайлар бойынша сындарлы пікір алмасылды, сондай-ақ оның «Фактор 2014» деген шартты атауы бойынша даму жолдары талданды.
Аталған кездесу Шекара әскерлері қолбасшылары кеңесі үйлестіру қызметінің жұмыс жоспарына сәйкес өткізілді, кездесу соңында тараптар бірлесе жұмыс істеу сенімділік пен өзара тиімділікті арттыра беретіндігіне негіз қалайтындығын атап өтті, деп хабарлады ҰҚК ШҚ баспасөз қызметі.