Қала әкімі Мұрат Әйтеновтің төрағалығымен аппараттық мәжіліс өтті. Онда салалық басқарма басшылары осы жылға жоспарланған әлеуметтік және тұрғын үй құрылыстары мен жол, инженерлік-инфрақұрылым салу жұмыстары кестеге сай жүргізіліп жатқанын атап өтті, деп жазады Egemen.kz.
Қала басшысы төтенше жағдай режимін сақтай отырып, жоспарланған құрылыс жұмыстарының тоқтап қалмауы үшін сала мамандарына құрылысшыларға қажетті көмек көрсетуді тапсырды. Сонымен бірге, барлық коммуналдық және қызмет көрсету кәсіпорындарының қалыпты режимде жұмыс істеуін қадағалауды айтты.
Бүгінде мегаполистегі барлық нысандар штаттық режимде жұмыс істеуде.
Шымкент қаласында жағдай тұрақты. Төтенше жағдай режимі қатаң бақылауда.
Қала билігі Шымкент тұрғындары мен қонақтарын төтенше жағдай кезінде заң бұзушылықтарға жол бермеуге және комменданттық тәртіпті сақтауға шақырады.