Президент бүгін күштік құрылымдардың басшыларымен кездесуінде Алматыда жаппай тәртіпсіздіктер кезінде қаза болған бейбіт тұрғындардың нақты санын анықтауды тапсырды, деп хабарлайды Egemen.kz.
«Кеңес қорытындысы бойынша Қасым-Жомарт Тоқаев бірқатар нақты тапсырмалар берді. Қазақстанда, соның ішінде Алматыда болған қайғылы жағдайларды жан-жақты зерттеу мәселесіне, қаза болған бейбіт тұрғындардың нақты санын анықтауға, қиын-қыстау кездерде күштік құрылымдардың іс-қимылдарын үйлестірудің жаңа нормативтік базасын әзірлеуге баса мән берілді», делінген Ақорда таратқан ақпаратта.