ҚР Президенті Қасым-Жомарт Тоқаев Қытай басшысы Си Цзиньпинді және Қырғызстан, Түркіменстан және Өзбекстан президенттерін Нұр-Сұлтанға шақырды, деп хабарлайды Egemen.kz.
Мемлекет басшысы Қасым-Жомарт Тоқаев Қытай мен Орталық Азия елдері арасындағы дипломатиялық қарым-қатынастардың орнатылғанына 30 жыл толуына арналған саммитте сөз сөйледі. Шараға ҚХР төрағасы Си Цзиньпин, Өзбекстан президенті Шавкат Мирзиеев, Қырғызстан президенті Садыр Жапаров және Тәжікстан президенті Эмомали Рахмонның онлайн режимде қатысып жатыр.
«Азиядағы өзара іс-қимыл және сенім шаралары жөніндегі кеңестің маңызды мүмкіндіктеріне назар аударғым келеді. Осы форумның қазіргі төрағасы ретінде Қазақстан АӨСШК тиімділігін арттыру бойынша жүйелі шаралар қабылдап жатыр. Кездесуді Азиядағы қауіпсіздік пен даму ұйымына айналдыру ағымдағы сын-қатерлер мен қауіп-қатерлерге қарсы тұрудағы ұжымдық күш-жігерімізді сапалы жаңа деңгейге көтерер еді. Әріптестерге осы бастаманы қолдағаны үшін алғыс айтып, биыл күзде Қазақстан астанасында өтетін мерейтойлық саммитке қатысуға шақырамын», деді Тоқаев.
Іс-шараның қорытындысы бойынша дипломатиялық қатынастардың орнағанына 30 жыл толуына орай бірлескен мәлімдеме қабылданады.