Мемлекет басшысы Қасым-Жомарт Тоқаев Хабар 24 арнасына берген сұхбатында Алматыда болған жаппай тәртіпсіздіктер жайлы айтты, деп хабарлайды Egemen.kz.
«Алматыда болған қасіретті оқиғада полицейлер қарусыз болды. Себебі оларға қару қолданбау жөнінде алдын ала бұйрық берілді. Жас десантшылар қатты зардап шекті. Олардың қолында тек таяқ пен күрек болды. Кейінірек шабуыл жасаған лаңкестер есірткіге масайған күйде болғаны анықталды», деді Президент сұхбат барысында.