Қазақстан теннис федерациясы Аустралия ашық чемпионатының финалына дейін жеткен Анна Данилина жұптық сында рейтингіде 25-орынға көтерілгенін хабарлады, деп жазады Egemen.kz.
Әйелдер теннис қауымдастығы (WTA) және кәсіпқой теннисшілер қауымдастығы (ATP) жаңартылған рейтингінде өзге де қазақстандық теннисшілердің көрсеткіші мәлім болды.
Жекелей сында Елена Рыбакина 12-інші, Юлия Путинцева 42-орнында қалса, Зарина Дияс 118-сатыға табан тіреді.
Ерлер арасында Александр Бублик 37-ден 35-ке жоғарылады. Михаил Кукушкин де 166-орынға жайғасты. Дмитрий Попко 180-орнында қалса, Тимофей Скатов 236-сатыға көтерілді. Денис Евсеев 351-інші, Бейбіт Жукаев 696-орында келеді.
Жұптық сында Андрей Голубев 30-ыншы, Александр Недовесов 67-орында тұр.