Ақтөбе облысында үй өртеніп, 5 жасар 2 бала қаза тапты, деп хабарлады Egemen.kz Ақтөбе облысы Төтенше жағдайлар департаментінің баспасөз қызметіне сілтеме жасап.
Қайғылы оқиға 3 ақпан Қобда ауданы Қызылжар ауылында болған. Өрттің 8 шаршы метрді ауданды қамтыған.
«Қызылжар ауылына ең жақын өрт сөндіру қызметі 80 шақырым қашықтықта орналасқан. Оқиға орнына өрт сөндірушілер жеткенше еріктілер жалынның бетін қайтарып үлгерді. Дегенмен үйде 2017 жылы туған егіз бала болған. Екеуі түтінге уланды. Сол уақытта ата-аналары жұмыста болған екен. Болжам бойынша от электр тоғының қысқа тұйықталуынан шыққан», делінген хабарламада.