Еліміздегі жаппай тәртіпсіздік кезінде тұтқындалғандардың қатарында Қазақстанда тыйым салынған экстремистік ағымдардың 35 өкілі бар екені анықталды, деп хабарлайды Egemen.kz.
Бұл туралы Арнайы прокурорлар қызметінің басшысы Ризабек Ожаров мәлімдеді.
«Қазіргі кезде қамауға алынған азаматтар арасында тыйым салынған экстремистік ағымдардың 35 мүшесі бар екені нақтыланды. Мәселен, Алматы қаласында деструктивті діни ағымның қылмыстық бағыттағы бір топ мүшесі қолға түсті. Құрықтау кезінде қолдануға дайын атыс қаруы бар екені мәлім болды. Олар өз әрекеттерін жақсылап жан-жақты жоспарға сай түзген», деді Ризабек Ожаров Орталық коммуникациялар қызметінде өткен баспасөз мәслихатында.