The Ring басылмының тілшісі Клифф Ролд отандасымыз Геннадий Головкинді бокс тарихындағы үздік жүз боксшының қатарына қосты, деп хабарлайды Egemen.kz sports.kz-ке сілтеме жасап.
«Геннадий Головкин The Ring басылымының белдігін жеңіп алмағанына қарамастан, ол 2010 жылдарда орта салмақтың шын үздігі болды. Үш бірдей белдіктің иегері атанды. 23 жекпе-жекті қатарынан жедел жеңгенін жанкүйерлер қатты бағалады. Ол Серхио Мартинес, Мигель Котто, Сауль Альварес секілді боксшылармен жекпе-жек өткізуге нөмірі бірінші үміткер болғаны рас. The Ring басылымының белдігі үшін өткен бірінші шайқасы дау туғызған тең есеппен аяқталды. Жалпы ол өзін дәлелдей білген боксшы», делінген автордың жазбасында.