Бұл туралы Әлихан Смайылов Үкіметтің кеңейтілген отырысында мәлімдеді, деп хабарлайды Egemen.kz.
«Ішкі нарықты арттыру және олардың тапшылығына жол бермеу үшін әлеуметтік маңызы бар азық-түлік тауарларының өндірісі ұлғайтылады. Сондай-ақ ұлттық тауар өткізу жүйесін құрудың 1-кезеңі іске асырылатын болады. Ішкі нарық қосымша 150 мың тонна көлемінде сұйытылған мұнай газымен қамтамасыз етіледі. Шикі және тауарлық газдың бағасы 2024 жылғы 1 қаңтарға дейін өткен жылғы желтоқсан деңгейінде бекітілетін болады», деді Үкімет басшысы.