WBC тұжырымы бойынша аса ауыр салмақ дәрежесіндегі әлем чемпионы, ұлыбританиялық боксшы Тайсон Фьюри ауыр салмақтағы UFC чемпионы Фрэнсис Нганнумен қашан қолғап түйістіретінін айтты, деп хабарлайды Egemen.kz sports.kz-ке сілтеме жасап.
«Мен Фрэнсис Нганнумен келесі жылы Лас-Вегаста қолғап түйістіремін. Шамамен ақпан немесе наурыз айында жекпе-жек өткіземін. Келесі жылы бірнеше керемет шайқас ұйымдастыруға болады. Нганнуға қарсы жекпе-жек жұртты қызықтыратыны сөзсіз. Екеуміз үшін де табысты кездесу болатындығына сенімім кәміл», дейді Тайсон Фьюри.