Ұлттық статистика бюросының мәліметінше, өткен жылы Қазақстанға 10 982 адам келсе, 32 209 адам елден кеткен. Осылайша, көші-қон сальдосы 21 227 адамды құрады, деп хабарлайды Egemen.kz.
Атап өтілгендей, елдің негізгі көші-қон алмасуы ТМД мемлекеттерімен жүріп жатыр.
ТМД елдерінен келгендердің үлесі 85,5%-ды, көшіп кеткендердің үлесі - жалпы көшіп-қонушылар санының 85,3%-ын құрады.
2020 жылғы қаңтар-желтоқсанмен салыстырғанда ел шегінде көшіп-қонушылардың саны 10,5%-ға азайған.
Өңіраралық ауысулар бойынша халықтың көші-қонының оң сальдосы елдің төрт өңірінде қалыптасты: Нұр-Сұлтан (31 906 адам), Алматы (29 253 адам), Шымкент (9774 адам) және Маңғыстау облысы (239 адам).