Елордалық «Барыс» құрлықтық хоккей лигасы плей-офф сатысына дайындық мақсатында бүгін ресейлік «Спартак» (Мәскеу) командасымен жолдастық кездесу өткізеді, деп хабарлайды Egemen.kz.
Аталған ойын Мәскеу қаласындағы «Лужники» аренасында болады. Басталуы - елорда уақытымен 16:00. Кездесу жанкүйерсіз өткізіледі.
Бұдан кейін қазақстандық клубты Ресей астанасында мәскеулік «Динамоға» қарсы екі ойын күтіп тұр.
Аталған кездесулер 22 және 24 ақпанға белгіленген. Еске салсақ, Құрлықтық хоккей лигасы плей-офф сатысы бірінші кезеңінде Ресейдің «Металлург» (Магнитогорск) командасымен шеберлік байқасады.