«АвтоВАЗ» Тольятти мен Ижевскідегі зауыттарда автокөлік өндірісін төрт жұмыс күніне тоқтатады, деп хабарлайды Egemen.kz РИА Новостиге сілтеме жасап.
Компания мұндай шешім электронды компоненттерді жеткізу дағдарысымен және компания қызметкерлерінің табыс деңгейінің айтарлықтай төмендеуіне жол бермеу мақсатымен байланысты екенін атап өтті.
«АвтоВАЗ» әкімшілігі Тольятти және Ижевск қалаларындағы кәсіпорындардың жұмыс кестесіне қатысты келесідей шешім қабылдады: 2022 жылдың 5 наурызы және 9 наурыздан 11 наурызға дейінгі кезең ақы төленетін демалыс күні деп жарияланды», делінген компания хабарламасында.
«АвтоВАЗ» компания қызметкерлері бұл күндерді толық жалақысы сақталатын демалыс күні ретінде пайдалана алатынын айтты.