Атырау қаласының тұрғындары мен қонақтары 22 наурызда қоғамдық көлікте тегін жүреді, деп хабарлайды Egemen.kz Атырау қалалық әкімдігінің баспасөз қызметіне сілтеме жасап.
«Атырау қаласының әкімдігі Наурыз мерекесіне орай тұрғындар мен қонақтарды қоғамдық көлікпен тегін тасымалдау туралы бастама көтерді. Бұл бастамаға жолаушы тасымалдайтын кәсіпорындардың басшылары қолдау білдірді. Әкімдік пен кәсіпорындар арасындағы келісімге сәйкес 22 наурызда Атырау қаласындағы барлық бағытта жолаушы тасымалдайтын қоғамдық көліктерде жолақы тегін болады. Бұл мүмкіндікті жас ерекшелігіне қарамастан барлық жолаушы пайдалана алады», деп хабарлады әкімдіктің баспасөз қызметі.