Полицейлер елордада есірткі өткізумен айналысқан күдіктілерді ұстау бойынша арнайы операция жүргізді, деп хабарлайды Egemen.kz.
«Сүгір Әліұлы көшесі бойынша жедел-іздестіру іс-шараларын жүргізу кезінде 44 жастағы әйел ұсталды, тінту жұмыстары барысында әйелдің тұрғылықты жері бойынша салмағы 4 кг гашиш табылып, тәркіленді. Күдікті есірткі заттарын елорда аумағында сатпақ болған», деп хабарлады Нұр-Сұлтан ПД баспасөз қызметі.
Аталған факті бойынша ҚР ҚК 297-бабы 2-бөлігі «Есірткі заттарды, психотроптық заттарды, сол тектестерді өткізу мақсатында заңсыз дайындау, қайта өңдеу, сатып алу, сақтау, тасымалдау, жөнелту немесе өткізу» бойынша сотқа дейінгі тергеу жүргізілуде.
Есірткі «сатушы» айел 12 жылға дейінгі мерзімге бас бостандығынан айырылуы мүмкін.