Бүгін таңғы сағат 07:43-те Нұр-Cұлтан-Алматы бағыты бойынша көкке көтерілген Эйр Астана әуе компаниясының А 321 әуе кемесі техникалық себепке байланысты Нұр-Cұлтан қаласына қайта оралды, деп хабарлайды Egemen.kz Азаматтық авиация комитетінің Telegram-каналына сілтеме жасап.
Әуе кемесі Нұр-Сұлтан қаласының әуежайына таңғы 08:32-де сәтті қонды.
Бортта 158 жолаушы мен экипаж мүшесі болған. Аталған факті бойынша ИИДМ авиациялық оқиғалар мен оқыс оқиғаларды тергеу басқармасы тергеу жүргізетін болады.