2 мамырдағы мәлімет бойынша 1 647 адам коронавирус инфекциясынан емделіп жатыр, деп хабарлайды Egemen.kz Денсаулық сақтау министрлігінің баспасөз қызметіне сілтеме жасап.
Ведомствоның баспасөз қызметі жариялаған мәлімет бойынша инфекция жұқтырған 85 пациент стационарда, ал 1 562 науқас амбулаториялық деңгейде ем қабылдап жатыр.
Осы дертке шалдыққан 13 адамның жағдайы ауыр, 1 пациенттің жағдайы өте ауыр, сондай-ақ 2 науқасқа ӨЖЖ аппараты жалғанған.
Айта кетейік, өткен тәулікте коронавирус инфекциясы 5 адамнан анықталды.