Қазақстан Бразилияның Кашиас-ду-Сул қаласында өтіп жатқан Сурдлимпиада-2021 ойындарында алғашқы алтынды алды, деп хабарлайды Egemen.kz Sports.kz сайтына сілтеме жасап.
Дзюдошы Еркебұлан Қанафин жеңіс тұғырының ең биік сатысына көтерілді. 81 келіге дейінгі салмақтағы финалда қазақстандық спортшы Оңтүстік Корея өкілі Ким Мин Сокты жеңді. Шешуші жекпе-жек алдында Еркебұлан Қанафин франциялық Рафаэль Кубеликтен басым түсті.
Сонымен Қазақстанның қоржынында бүгінде 1 алтын, 2 күміс және 4 қола – барлығы 7 медаль бар.