Сәтбаев ескерткіші ашылды

Академик Қаныш Имантайұлы Сәтбаевтың туғанына 115 жыл толу мерейтойына орай Сәтбаев қаласында ғалымның ескерткіші  бой көтерді. Салтанатты жиында қала әкімі Әнуар Омар, «Жез­қаз­ғантүстімет» өндірістік бір­лестігінің бас директоры Саят Бәкіров, еңбек ардагері Яхия Асатов, академиктің немересі Әлима Жармағамбетова және т.б. адамдар құттықтау сөз сөйледі. Белгілі мүсінші, «Парасат» орде­нінің иегері Жаубасар Қалиев жасаған ғалымның қоладан құйылған негізгі мүсінінің биік­тігі – 4,4 метр болса, ал жалпы биіктігі 8 метр. Ескерткіш жер­гілікті бюджеттің қаржысына жасалып, салынды. Абдолла ДАСТАНОВ, Сәтбаев қалалық «Мысты өңір» газетінің редакторы.